Fazil Əsəd:” ŞUŞAYA APARAN YOLLAR”

ŞUŞAYA APARAN YOLLAR

Şuşaya aparan yollar
içimdən, çölümdən keçər ,
sözümdən, dilimdən keçər.
Şəhid adlı ölümdən keçər
Şuşaya aparan yollar…

Oğullar keçdi canından ,
keçdi ruhundan, qanından.
Şuşaya aparan yollar
Keçdi şəhidlik anından.

Qarabağ Azərbaycandı!
Dərdimiz nədən göyərsin?..
Şəhid ruhları zirvədə
Fırlanır… “bədən” göyərsin!
Torpağa əkildi ŞƏHİD…
Əkildi – VƏTƏN göyərsin!!!

Xalqımın ZƏFƏR yoludu,
Göylərə qaldırdı bizi.
Dərd – qəmdən qoparan yollar 
Zirvəyə qaldırdı bizi.
Şuşaya aparan yollar!
Şuşaya aparan yollar!

FAZİL ƏSƏD – pressaz.az