Biləsuvar rayonunda çağırışyaşlı gənclərin iştirakı ilə mədəni-kütləvi tədbir keçirildi
Azərbaycan Respublikası Gənclər və İdman Nazirliyi tərəfindən gənclərin hərbi xidmətə həvəsləndirilməsi məqsədi ilə 2018-ci ilin oktyabr ayının 25-də Biləsuvar rayon Mədəniyyət Evində təbliğat xarakterli mədəni-kütləvi tədbir keçirildi.
Tədbirdə Gənclər və İdman Nazirliyinin vətənpərvərlik sektorunun müdiri Əli Məmmədov, Biləsuvar rayon İcra hakimiyyəti başçısının müavini Ləman Yüzbaşova , Biləsuvar rayon Gənclər və İdman İdarəsinin rəisi Aqşin Bağırov, Səfərbərlik və Hərbi Xidmətə Çağırış üzrə Dövlət Xidmətinin Biləsuvar rayon şöbəsinin rəis müavini Ramiq Soltanov, Təhsil Şöbəsinin müdir müavini Əlisafa Qəmbərov iştirak və çıxış etdilər.
Keçirilən təbliğat xarakterli tədbirdə gənclərin hərbi xidmətə həvəsləndirilməsi ilə bağlı tövsiyələr verildi, onların hərbi-fiziki və mənəvi-psixoloji hazırlığının yüksəldilməsi sahəsində görüləcək işlərin əsas istiqamətləri diqqətə çatdırıdı.
Çağırışyaşlı gənclərin iştirakı ilə keçirilən tədbir gənc müğənnilərin ifasında hazırlanmış konsert proqramı ilə yekunlaşdı.
